Համացանցում են հայտնվել Մադոննայի եւս 14 նոր երգեր

ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ: Մադոննայի՝ պաշտոնապես չհրատարակված եւս 14 նոր երգեր են հայտնվել Համացանցում, տեղեկացնում Է «Արմենպրես»-ը՝ հղում անելով Billboard-ին:

Երգերն սկսել են տարածել դեկտեմբերի 23-ի ուշ երեկոյան: Կոմպոզիցիաների թվում են Beautiful Scars-ը, Tragic Girl-ը, Freedom-ը, Iconic-ը, Nothing Lasts Forever-ը, Veni Vidi Vici-ն եւ Back That Up-ը (Do It), որը ձայնագրվել Է Ֆարել Ուիլյամսի հետ:

Նոր ալբոմից Մադոննայի երգերի առաջին «արտահոսը» տեղի Է ունեցել անցյալ շաբաթ: Երգչուհին երկրպագուներին խնդրել Է անտեսել այդ թրեքները եւ մի քանի օր անց պաշտոնապես վեց երգ Է թողարկել ապագա ալբոմից: Բացի դրանից, հայտնի Է դարձել, որ այն լույս կտեսնի մարտի 10-ին:

Այսպիսով, այժմ Ցանցում են հայտնվել Մադոննայի չիրավազորված շուրջ 30 թրեքներ: Դրանցից մի քանիսն իրենցից ներկայացնում են դեմոձայնագրություններ, մյուսները նման են միանգամայն ավարտուն գործերի, նշել Է The Los Angeles Times-ը: Հրատարակությունը նաեւ հավելում Է, որ նման մասշտաբի «արտահոսը», հատկապես հաշվի առնելով այն հանգամանքը, որ խոսքը վերաբերում Է Մադոննայի մակարդակի կատարողի, բավականին հազվադեպ երեկույթ Է, հաղորդել Է «Ինտերֆաքս» գործակալությունը: