Դերասան Քլինթ Իսթվուդը բաժանվել Է կնոջից 18 տարվա ամուսնությունից հետո

ԵՐԵՎԱՆ, 24 ԴԵԿՏԵՄԲԵՐԻ, ԱՐՄԵՆՊՐԵՍ: Դերասան եւ ռեժիսոր Քլինթ Իսթվուդը կնոջից՝ Դինա Իսթվուդից, բաժանվել Է 18 տարվա ամուսնությունից հետո: Այս մասին, ինչպես տեղեկացնում է «Արմենպրես»-ը, հաղորդել Է E-online հրատարակությունը:

Նրա տվյալների համաձայն՝ ամուսնալուծության ընթացակարգն ավարտվել է Մոնտերեյ քաղաքի (Կալիֆոռնիայի նահանգ) դատարանում: Խնամակալության հարցեր դատարանում չեն արծարծվել: Ապահարզանի ֆինանսական բաղադրիչի վերաբերյալ տեղեկատվությունը մնում Է գաղտնի:

Զույգի բաժանման մասին հայտնի Է դարձել անցյալ տարվա հոկտեմբերին, պատճառ են դարձել անհաշտելի հակասությունները: Դինա Իսթվուդն ապահարզանի համար դիմել Էր 2013 թվականի դեկտեմբերին:

Իսթվուդը հանդիսականին հայտնի Է «Լավ, վատ, չար», «Գրան Տորինո», ինչպես նաեւ «Մեկմիլիոնանոց փոքրիկը» եւ «Չներվածը» ֆիլմերում խաղացած դերերով:

Դինան Իսթվուդի, որն 84 տարեկան Է, երկրորդ կինն Է, ըստ որում նա դերասանից երիտասարդ Է 35 տարով: 1996 թվականին Դինան ծննդաբերել Է իր առաջնեկին, որն Իսթվուդի համար դարձել Է յոթերորդ երեխան, հաղորդել Է ՏԱՍՍ-ը: