Մալաթիա-Սեբաստիայում կրակոցների առթիվ քրեական գործ է հարուցվել

ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: Մալաթիա-Սեբաստիա համայնքում կրակոցների առթիվ, որոնց արդյունքում քաղաքացի է վիրավորվել, քրեական գործ է հարուցվել: Այս մասին «Արմենպրես»-ի հետ զրույցում տեղեկացրեց ՀՀ քննչական կոմիտեի մամուլի քարտուղար Սոնա Տռուզյանը: «Հիվանդանոցից ահազանգ է ստացվել, որ իրենց մոտ հրազենային վնասվածքով քաղաքացի է տեղափոխվել: Ահազանգի հիման վրա անմիջապես հիվանդանոց է գնացել քննիչը: Դեպքի առթիվ քննչական բաժնում հարուցվել է քրեական գործ՝ քրեական օրենսգրքի 112 և 235 հոդվածների առաջին մասերով»,- նշեց Տռուզյանը:

Երևանի Մալաթիա-Սեբաստիա համայնքում կրակոցներ են հնչել, ինչի արդյունքում որովայնի շրջանում ստացած հրազենային վնասվածքով 39-ամյա մի տղամարդ տեղափոխվել է հիվանդանոց: ՀՀ ոստիկանությունը պարզում է դեպքի մարնամասները: