3 րոպեի ընթերցում
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ Նախագահ Սերժ Սարգսյանի հրամանով`Արմեն Երիցյանը նշանակվել էՀայաստանի Հանրապետության տարածքային կառավարման և արտակարգ իրավիճակների նախարար:
Ինչպես «Արմենպրես»-ին տեղեկացրին ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից, Սերժ Սարգսյանը որոշումը կայացրել է` ղեկավարվելով Հայաստանի Հանրապետության Սահմանադրության 55-րդ հոդվածի 4-րդ կետով:
ՀՀ Նախագհի մեկ այլ հրամանագրով` Արմեն Երիցյանն ազատվել էՀայաստանի Հանրապետության արտակարգ իրավիճակների նախարարի պաշտոնից:
Արմեն Երիցյանի կենսագրական տվյալներն են:
1978թ. - Երևանի թիվ 12 միջնակարգ դպրոց
1984-1986 թթ. - ԽՍՀՄ ՆԳՆ Կալինինգրադի միլիցիայի միջնակարգ մասնագիտացված դպրոց
1987-1990 թթ. - ԽՍՀՄ ՆԳՆ Վոլգոգրադի բարձրագույն քննչական դպրոց
1982թ. - ՀՀ ոստիկանության Խորհրդային շրջգործկոմի ՆԳ բաժնի պետ, ապա՝ կազմակերպված հանցավորության դեմ պայքարի գլխավոր վարչության պետ
2001թ. - ՀՀ ներքին գործերի նախարարի տեղակալ
2003թ. - ՀՀ ոստիկանության պետի տեղակալ
2008թ. - ՀՀ ոստիկանության պետի առաջին տեղակալ
2010թ. հունվարի 15-ից 2012թ. մայիսի 31-ը - ՀՀ արտակարգ իրավիճակների նախարար
2012թ. հունիսի 4-ին վերանշանակվել է ՀՀ արտակարգ իրավիճակների նախարարի պաշտոնում
2013թ. ապրիլի 22-ին վերանշանակվել է ՀՀ արտակարգ իրավիճակների նախարարի պաշտոնում
2014թ. ապրիլի 18-ին վերանշանակվել է ՀՀ արտակարգ իրավիճակների նախարարի պաշտոնում
Դասավանդում է Երևանի պետական համալսարանում
ՀՀ Նախագահի 2012 թ. դեկտեմբերի 28-ի հրամանագրով պարգևատրվել է Մարտական ծառայության մեդալով
Պարգևատրվել է «Արիության մեդալով», «Հասարակական կարգի գերազանց պահպանման համար» և «Մխիթար Գոշ» մեդալներով
Իրավաբանական գիտությունների դոկտոր է։ 10 մենագրությունների, 3 միջազգային իրավական ակտերի ժողովածուների և 100-ից ավելի գիտական հոդվածների հեղինակ է։
«Օրինաց երկիր» կուսակցության փոխնախագահն էր։ 2014թ. ապրիլի 16-ին իր դիմումի համաձայն դուրս է եկել կուսակցությունից այն բանից հետո, երբ կուսակցության քաղաքական խորհուրդը որոշում կայացրեց կառավարող կոալիցիայում չընդգրկվելու վերաբերյալ։
Ամուսնացած է, ունի երկու երեխա։