Ոստիկանությունը հերթական «Ուղիղ կապ»-ը կհաստատի քաղաքացիների հետ

ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ոստիկանության և քաղաքացիների միջև ամեն շաբաթ հաստատվող «Ուղիղ կապ»-ի հյուրը նոյեմբերի 18-ին կլինի ՀՀ ոստիկանության կադրերի վարչության պետի տեղակալ, 1-ին բաժնի պետ, ոստիկանության փոխգնդապետ Հայկ Պետրոսյանը: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, Հայկ Պետրոսյանին կարելի է հարցեր ուղղել ոստիկան դառնալու, ոստիկանությունում ծառայության անցնելու կարգի վերաբերյալ: Հարցերն ուղղելու համար անհրաժեշտ է զանգահարել նոյեմբերի 18-ին` ժամը 14.30-ից մինչև 16.30-ը, 010-59-60-54 հեռախոսահամարով: