Pink Floyd-ը նշել Է իր նոր ալբոմի թողարկման ամսաթիվը

ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Բրիտանական Pink Floyd խումբն իր The Endless River վերտառությամբ նոր ալբոմը կթողարկի նոյեմբերի 10-ին: Այդ մասին, ինչպես տեղեկացնում Է «Արմենպրես»-ը, հաղորդվում Է խմբի կայքում: Ավելի վաղ նշվում Էր, թե ալբոմը լույս կտեսնի արդեն հոկտեմբերին:

Դա կլինի առավելապես գործիքային ալբոմ: Դրանում կընդգրկվի միայն մեկ՝ Louder Than Words երգը, որի տեքստը գրել Է խմբի ղեկավարներից մեկի՝ Դեւիդ Գիլմորի կինը՝ Փոլի Սեմսոնը:

Նոր ալբոմի հիմքում կլինեն 1993 թվականի ձայնագրությունները, որոնց մի մասը մեկ տարի ավելի ուշ տեղ են գտել The Division Bell-ում: Դա Pink Floyd-ի առաջին ալբոմը կդառնա վերջին 20 տարվա ընթացքում:

Խմբի վերջին ստուդիական ալբոմը՝ The Division Bell-ը, հրատարակվել Է 1994 թվականին, որից հետո խումբը ցրվել Է: 2005 թվականին խումբը վերամիավորվել Է Live 8 շոուում ելույթ ունենալու համար: 2014 թվականին Pink Floyd-ը նշել Է The Division Bell-ի ստեղծման 20-ամյակը՝ թողարկելով այդ ալբոմի հոբելյանական բոքս-սեթը, հաղորդել Է «Ինտերֆաքս»-ը: