Արթուր Օսիկյանն ազատվել է ՀՀ փոխոստիկանապետի պաշտոնից և նշանակվել Արդարադատության նախարարության ՔԿ վարչության պետ (լրացված)
1 րոպեի ընթերցում
![Արթուր Օսիկյանն ազատվել է ՀՀ փոխոստիկանապետի պաշտոնից և նշանակվել Արդարադատության նախարարության ՔԿ վարչության պետ (լրացված)](http://armenpress.am/resized/480/static/news/b/2014/09/774857.jpg)
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ Նախագահ Սերժ Սարգսյանի այսօր ստորագրած հրամանագրի համաձայն`Արթուր Օսիկյանն ազատվել է Հայաստանի Հանրապետության կառավարությանն առընթեր Հայաստանի Հանրապետության ոստիկանության պետի տեղակալի պաշտոնից:
Ինչպես«Արմենպրես»-ին տեղեկացրին ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից, ՀՀ Նախագահը հրամանագիրն ստորագրել է` հիմք ընդունելով «Ոստիկանությունում ծառայության մասին» Հայաստանի Հանրապետության օրենքի 13-րդ հոդվածի 2-րդ մասը:
Սերժ Սարգսյանի մեկ այլ հրամանագրով` Արթուր Օսիկյանը նշանակվել է Հայաuտանի Հանրապետության արդարադատության նախարարության քրեակատարողական վարչության պետ:
ՀՀ Նախագահն այս հրամանագիրն ստորագրել է` հիմք ընդունելով«Քրեակատարողական ծառայության մաuին» Հայաuտանի Հանրապետության oրենքի 16-րդ հոդվածի 1-ին մաuը:
Սերժ Սարգսյանը նաև հրամանագիր է ստորագրելՀայկ Հարությունյանին Հայաuտանի Հանրապետության արդարադատության նախարարության քրեակատարողական վարչության պետի պաշտոնից ազատելու մասին: