2 րոպեի ընթերցում
ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ: Քեսաբում կյանքն աստիճանաբար բարելավվում է, ենթակառուցվածքներն ավելի լավ են գործում, սակայն դեռ անցնելու բավական երկար ճանապարհ կա: Այս մասին «Արմենպրես»-ի հետ զրույցում նշեց քեսաբահայ Կարո Մանճիկյանը՝ ավելացնելով, որ Քեսաբին տրամադրված օժանդակություններն հերթականությամբ բաժանվում են բնակիչներին: Նրա խոսքով` արդեն 2 դրամական օժանդակություններ բաժանվել են քեսաբցիներին, բացի այդ, Սիրիայի Կարմիր Մահիկի կազմակերպությունը տարբեր տեսակի մթերքներ է բաժանել բնակիչներին: «Տրամադրված գումարներով ջրի ամբարներ են գնել, որոնք գողացվել էին, նաև բույսերը դեղելու պոմպ են գնել, որը բնակիչները միմյանց փոխանցելով կօգտագործեն»,- նշեց Մանճիկյանը՝ հավելելով, որ սիրիական իշխանությունները մինչև ձմեռ բույսերը դեղելու համար նախատեսված տրակտորներ է տրամադրել:
Կարո Մանճիկյանը նաև տեղեկացրեց, որ մոտակա ժամանակներում քեսաբցիներին կտրամադրվեն մյուս օժանդակությունները:
Քեսաբը սիրիական բանակի կողմից ազատագրվել է հունիսի 15-ին, և բնակչության մեծ մասն արդեն վերադարձել է այնտեղ: Քեսաբի բոլոր հաստատությունները, տները և բնակարաններն առանց բացառության վնասներ են կրել: Որոշ տներ անբնակելի են, մի մասը հրկիզված, թալանված և կողպտված են, որոշ տներ էլ փոքր վնասներ են կրել:
Քեսաբի շրջանի վրահարձակումնսկսվելէրմարտի 21-ին` Թուրքիայիսահմանիութ կետերից:Հարձակումնիրականացրելէին «ՋաբհաանՆուսրա»և «ՋեյշալԻսլամ» խմբավորումները` Թուրքիայի կառավարության անմիջական աջակցությամբ: