2 րոպեի ընթերցում
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Ֆրանսիայի նախկին առաջին տիկին Կառլա Բրունի Սարկոզին առաջին անգամ մենահամերգ կտա Մոսկվայում: Հանրաճանաչ երգչուհու միակ ելույթը կկայանա հունիսի 2-ի երեկոյան Ռուսաստանի մայրաքաղաքի Երաժշտության տան Սվետլանովյան դահլիճում, տեղեկացնում Է «Արմենպրես»-ը:
Բրունին Մոսկվա է ժամանել իր առաջին համաշխարհային մեծ շրջագայության շրջանակներում: Ռուսաստանցի հանդիսականը համերգի ընթացքում կունկնդրի ինչպես արդեն հայտնի երգեր, այնպես Էլ նոր ստեղծագործություններ:
Բրունիի համերգի տոմսերը վաճառքի Էին հանվել ապրիլի սկզբին: Դրանց արժեքը եղել Է 1200-ից մինչեւ 7 հազար ռուբլի: Երգչուհու հյուրախաղերի կազմակերպիչների խոսքով՝ սպասվում Է անշլագ: Ինչպես եւ Սանկտ Պետերբուրգում, որտեղ Միխայլովյան թատրոնի բեմում նա ելույթ կունենա հունիսի 4-ին: «Ես անհամբերությամբ եմ սպասում Ռուսաստանում կայանալիք ելույթներիս»,- ասում Է ֆրանսուհին:
Կառլա Բրունին երգչուհու կարիերան սկսել Է 1997 թվականին: 2002 թվականին նա թողարկել Է իր «Ինչ-որ մեկն ինձ ասաց» առաջին ալբոմը՝ իր գրած ֆրանսերեն եւ իտալերեն երգերով: Իսկ 5 տարի անց թողարկվել Է «Առանց խոստումների» երկրորդ ձայնապնակը: 2008 թվականի փետրվարին Կառլա Բրունին դարձել Է Ֆրանսիայի առաջին տիկինն՝ ամուսնանալով Նիկոլա Մարկոզիի հետ: Եվ նույն տարվա հուլիսին թողարկվել Է «Կարծես թե ոչինչ չի պատահել» վերտառությամբ նրա երրորդ ալբոմը, հաղորդել Է ԻՏԱՌ-ՏԱՍՍ-ը: