Արտեմ Ասատրյանը կուտակային կենսաթոշակների վերաբերյալ ՍԴ որոշման բովանդակությունն ուսումնասիրելու անհրաժեշտություն է տեսնում
1 րոպեի ընթերցում
ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ: ՀՀ Սահմանադրական դատարանի որոշումը «Կուտակային կենսաթոշակների մասին» օրենքի որոշ հոդվածների սահմանադրականության վերաբերյալ անհրաժեշտ է լրացուցիչ ուսումնասիրել, սակայն բոլորը պարտավոր են կատարել այն: Այդ մասին ապրիլի 2-ին Սահմանդրական դատարանի որոշման հրապարակումից հետո նշեց ՀՀ աշխատանքի և սոցիալական հարցերի նախարար Արտեմ Ասատրյանը:
Նա հիշեցրեց, որ Սահմանադրական դատարանը սահմանադրական արդարադատություն իրականացնող բարձրագույն մարմինն է: «Պետական կառավարման բոլոր մարմինները, տեղական ինքնակառավարման մարինները, պաշտոնատար անձինք, իրավաբանական և ֆիզիկական անձինք պարտավոր են կատարել այդ որոշումները: Մենք կուսումնասիրենք որոշման բովանդակությունը և, կարծում եմ, մենք լրացուցիչ տեղեկատվություն կտրամադրենք»,- «Արմենպրես»-ի փոխանցմամբ՝ ասաց Ասատրյանը: