Arctic Monkeys-ը եւ One Direction-ը մրցանակներ են նվաճել BRIT Awards-ի ամենահեղինակավոր անվանակարգերում
2 րոպեի ընթերցում
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Անգլիական Arctic Monkeys ինդի-ռոք խումբը փետրվարի 19-ի երեկոյան Մեծ Բրիտանիայի մայրաքաղաքում նվաճել Է BRIT Awards-ի երաժշտական մրցանակը «լավագույն բրիտանական ալբոմ» ամենահեղինակավոր անվանակարգում: Պարգեւների հանձնման 34-րդ արարողությունը կայացել Է Լոնդոնի «O2» արենայում: Կոլեկտիվը նաեւ երկրորդ տարին անընդմեջ ճանաչվել Է «լավագույն բրիտանական խումբը»՝ առաջ անցնելով Bastile-ից, Rudimental-ից, Disclosure-ից եւ One Direction-ից, տեղեկացնում Է «Արմենպրես»-ը՝ հղում անելով ԻՏԱՌ-ՏԱՍՍ-ին:
One Direction խումբը, որի ձայնագրություններն ամբողջ աշխարհում տարածվել են ավելի քան 11,5 միլիոն տիրաժով, ինչպես եւ մեկ տարի առաջ, հաղթել Է «համաշխարհային ճանաչում» անվանակարգում: Բացի դրանից, կոլեկտիվը շահել Է «լավագույն բրիտանական տեսահոլովակ» կատեգորիայում՝ Story of My Life («Իմ կյանքի պատմությունը») երգի երաժշտական տեսագրության համար: Քվեարկությունը տեղի Է ունեցել արարողության ժամանակ՝ Twitter միկրոբլոգի օգտատերերի շրջանում:
Անգլիացի երգչուհի եւ կոմպոզիտոր Էլլի Գոլդինգը դափնեկիր Է դարձել «լավագույն բրիտանացի կատարող» կատեգորիայում: Լավագույն արտասահմանյան կատարող Է դարձել նորզելանդուհի Լորդը, որն արարողության ընթացքում Disclosure խմբի հետ կատարել Է Royal հանրահռչակ հիթը