Նյու Յորքում տիկին Տյուսոյի թանգարանն ազատվել Է Ջասթին Բիբերի մոմե քանդակից

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Նյու Յորքում տիկին Տյուսոյի թանգարանը ցուցադրանքից հանել Է սկանդալային երգիչ Ջասթին Բիբերի մոմե քանդակը, տեղեկացնում Է «Արմենպրես»-ը՝ հղում անելով New York Post թերթին:

Ըստ հրատարակության տվյալների՝ թանգարանի ղեկավարության որոշումը պայմանավորված Է այն հանգամանքով, որ քանդակը վնասվել Է կանադացի երգչի երկրպագուների հաճախակի հպումների պատճառով: Տնօրեն Բրետ Փիջենի խոսքով՝ «թանգարանի աշխատակիցները վշտացած են Բիբերից բաժանվելու անհրաժեշտության համար եւ հուսով են մոտ ապագայում ցուցանմուշների մեջ տեսնել «հասունացած նոր» Ջասթինին», հաղորդել Է ԻՏԱՌ-ՏԱՍՍ-ը: