Ջասթին Բիբերին ձերբակալել են անօրինական ավտոմրցարշավի մասնակցելու համար

ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ում ոստիկանությունը ձերբակալել է Ջասթին Բիբերին` Մայամի Բիչում անօրինական ավտոմրցարշավի մասնակցելու և անթույլատրելի ազդեցության տակ մեքենա վարելու համար: Ինչպես հաղորդում է «Արմենպրես»-ը` վկայակոչելով NBC 6 South Florida-ն, այս մասին հայտնել է ոստիակնությունը` նշելով, որ 19-ամյա աստղին ձերբակալել են դեռևս անցյալ հինգշաբթի օրը: Բիբերը ավտոմրցարշավին մասնակցել է վարձակալած «Լամբորջինի»-ով: Ձերբակալման մանրամասները հայտնի չեն: Հայնտի է միայն, որ այդ օրերի ընթացքում Բիբերը նկատվել են Մայամիի մի քանի տարբեր վայրերում, այդ թվում` Մայամի Բիչում: