3 րոպեի ընթերցում
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ:Երգչուհի Սիրուշոյի` որպես եվրոպացի արտիտս, ապրիլին կայանալիք Համաշխարհային երաժշտական World Music Awards մրցանակաբաշխությանը երեք անվանակարգերում ներկայացված լինելը ոչ միայն նրա, այլև Հայաստանի համար մեծ հաջողություն է: «Արմենպրես»-ի հետ զրույցում նշեց երգիչ, երգահան Հայկոն կարծիք հայտնեց, որ մինչ World Music Awards-ն, ամենահեղինակավոր երաժշտական միջոցառումը, որին մեր երկրի երգիչները կարողանում էին մասնակցել, «Եվրատեսիլ»-ն էր:
«Միշտ մտածում էի և երազում, թե ով հայերից կներկայացվի նաև այս մրցնակաբաշխությանը, որովհետև, նայելով այն, տեսնում էի, որ ամբողջ աշխարհից տարբեր ոճերի ամենալավ կատարողներն են մասնակցում»,- նշեց Հայկոն:Նա երկար ժամանակ աշխատել է Սիրուշոյի հետ և կարծում է, որ ինքը այս մրցանակաբաշխության արժանի մասնակիցն է:«Մենք մեզ բավականին հպարտ պետք է զգանք նրա մասնակցության համար: Եվ բոլոր հայերը ոգևորությամբ պետք է քվեարկեն Սիրուշոյի համար: Ինքն իր հմայքով, իր գեղեցիկ երգելով, վոկալով շատ կուրախացնի մեզ բոլորիս»,- հավելեց երաժիշտը:
«Հայաստանի ձայնը 2» հեռուստատեսային նախագծի մասնակից, երգիչ Արծրուն Խանգելդյանը նշեց, որ թե' մեր երկրի, թե' Սիրուշայի համար շատ մեծ հնարավորություն է նման հեղինակավոր մրցանակաբաշխությանը երեք անվանակարգերում ներկայացված լինելը:
«Ես միանշանակ մտածում եմ, որ Սիրուշոն այն արտիստներից է, ով առանց հաղթանակի չի վերադառնա: Եվ երեք անվանակարգերց մեկում նա հաստատ հաջողություն կունենա»,- շեշտեց Խանգելդյանը` հավելելով, որ ներկայացված PreGomesh երգը շատ հաջողված ստեղագործություն է, որն ունի նաև ազգային տարրեր:Նա լսել է նաև արտասահմանում բնակվող իր գործընկերների կարծիքը և համոզված է, որ Սիրուշոն, ինչպես միշտ, իր հանդիսատեսին չի հիասթափեցնի:
World Music Awards մրցանակաբաշխությանըմասնակցում են աշխարհի լավագույն արտիստները բոլոր աշխարհամասերից՝ Ամերիկա, Եվրոպա, Ասիա, Աֆրիկա, Օվկիանիա:Սիրուշոն ներկայացված է երեք` «Լավագույն երգչուհի», «Լավագույն երգ (PreGomesh)» և «Լավագույն տեսահոլովակ (PreGomesh)» անվանակարգերում:
Ցանկացողները կարող են քվեարկել Սիրուշոյի օգտին` այցելելով World Music Awards-ի պաշտոնական` worldmusicawards.com կայք: