Դալիթան իր «Ամանոր» երգը նվիրում է ընկերներին և երկրպագուներին

ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Երգչուհի Դալիթա Ավանեսյանը Ամանորին ընդառաջ իր երկրպագուներին է ներկայացնում «Ամանոր» տեսահոլովակը:«Արմենպրես»-ի թղթակցի հետ զրույցում երգչուհին նշեց, որ համանուն երգն իրեն է նվիրել երիտասարդ կոմպոզիտոր Էդմոնդ Մակարյանը: «Գործիքավորումը կատարել է «A-Production»-ը, իսկ մենք մտածեցինք երգի հիման վրա տեսահոլովակ նկարահանել, որը Նոր տարվա նախօրեին իմ նվերն է ընկերներիս և երկրպագուներիս»,- նշեց Դալիթան: Տեսահոլովակի ոճաբանն է Արսեն Նավասարդյանը:

«Շնորհավորում եմ բոլորի Ամանորն ու Սուրբ Ծնունդը, ցանկանում եմ, որ այս տարի բոլորի երազանքներն ու նպատակները իրականան, բոլորն ապրեն երջանիկ և անհոգ կյանքով»,-հավելեց երգչուհին:

Դալիթան նեկայացրել է Հայաստանը «Մանկական Եվրատեսիլ 2011» երգի մրցույթում: Երգչուհին ակտիվ ստեղծագործական գործունեություն է վարում. նկարահանվում է հեռուստանախագծերում, նկարահանում տեսահոլովակներ: