Մերկասառույցի հետևանքով «Վազ-2121»-ը Իջևան-Հաղարծին ճանապարհին գլորվել է ձորը

ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Իջևան-Հաղարծին ավտոճանապարհին դեկտեմբերի 20-ին` ժամը 13.44-ին, «Վազ-2121» մակնիշի ավտոմեքենան մերկասառույցի պատճառով դուրս է եկել երթևեկելի հատվածից և հայտնվել ձորակում: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Պարզվել է, որ դեպքը տեղի է ունեցել Իջևան-Հաղարծին ավտոճանապարհի 15-րդ կմ-ում: Հրշեջ-փրկարարները ձորից դուրս են բերել «Վազ-2121» մակնիշի 185 VV 01 պ/հ ավտոմեքենան: