Չարենցի փողոցում 27-ամյա քաղաքացուհի է վրաերթի ենթարկվել

ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ: Անհայտ ավտոմեքենայի վարորդը դեկտեմբերի 18-ին` ժամը 15.00-ի սահմաններում, Երևանի Չարենցի փողոցում վրաերթի է ենթարկել 27-ամյա քաղաքացուհու: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, տուժածը մարմնական վնասվածքներով տեղափոխվել է հիվանդանոց: Կատարվում է քննություն: