Հանքավան գյուղի մոտակայքում տեղի ունեցած ՃՏՊ-ից կա զոհ

ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ։ Դեկտեմբերի 15-ին, ժամը 15.17-ին ՀՀ արտակարգ իրավիճակների նախարարությունում տեղեկություն է ստացվել, որ Կոտայքի մարզի Հանքավան գյուղի մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

«Արմենպրես»-ի հաղորդմամբ՝ պարզվել է, որ Ծաղկաձոր-Աղավնաձոր ավտոճանապարհի 12-րդ կմ-ին «Ֆոլկսվագեն Վենտո» մակնիշի 24 ՍՏ 884 պետհամարանիշով ավտոմեքենան դուրս է եկել ճանապարհի երթևեկելի մասից և շրջվել, ինչի հետևանքով ավտոմեքենայի վարորդ՝ 1961 թ. ծնված Գ. Մ.-ն և ուղևորը՝ Ա. Մ.-ն, ստացել են տարբեր աստիճանի մարմնական վնասվածքներ և մինչ հրշեջ-փրկարարների կանչի վայր հասնելը՝ հոսպիտալացվել են Հրազդան քաղաքի ԲԿ, որտեղ Գ. Մ.-ն մահացել է:

Բժիշկները Ա. Մ.-ի առողջական վիճակը գնահատում են ծանր: