Հրդեհը վնասել է Տաշիր քաղաքի տներից մեկը

ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ։ Լոռու մարզի Տաշիր քաղաքի Գորկու փողոցի տներից մեկում բռնկված հրդեհի հետևանքով այրվել է ննջասենյակի հատակը։ Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության մամուլի և տեղեկատվության կապերի վարչությունից, դեպքի վայր է մեկնել մեկ մարտական հաշվարկ:

Հրդեհը մեկուսացվել է ժամը 19.12-ին, մարվել՝ 19.45-ին: Այրվել է Գ. Մ.-ին պատկանող տան երկրորդ հարկի ննջասենյակի հատակը (4 քմ):