Վթարի հետեւանքով 23-ամյա վարորդ է զոհվել

ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Մարգարա-Էջմիածին ճանապարհի 7-րդ կմ-ին նոյեմբերի 15-ին, ժամը 19.00-ի սահմաններում, 1990թ. ծնված Մարատ Ստեփանյանի վարած «Մերսեդես Ե-320» մակնիշի ավտոմեքենան դուրս է եկել երթևեկելի գոտուց և շրջվել: Ինչպես հաղորդում է «Արմենպրես»-ը`վկայակոչելով ոստիկանության պաշտոնական կայքը, վարորդը հիվանդանոց տեղափոխվելու ճանապարհին մահացել է: Կատարվում է քննություն:

Նույն օրը, ժամը 17.20-ին, «ՎԱԶ-21093» մակնիշի ավտոմեքենան Կոմիտասի պողոտայում վրաերթի է ենթարկել տղամարդու, որը մարմնական վնասվածքներով տեղափոխվել է հիվանդանոց: Կատարվում է քննություն: