Քսանյոթամյա կինն ընկել է պատուհանից և մահացել

ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Նոր Նորք վարչական շրջանի 8-րդ զանգվածի 26 շենքի բնակչուհին 6-րդ հարկից վայր է ընկել և տեղում մահացել: Ինպես «Արմենպրես»-ի հետ զրույցում հայտնեց ՀՀ ոստիկանության հասարակայնության հետ կապերի և լրատվության վարչության աշխատակից Արմեն Մալխասյանը, տեղի ունեցած դեպքի հանգամանքները պարզվում են:

Ոստիկանության տվյալով` տուժածը նշված շենքի 6-րդ հարկի բնակչուհի 27-ամյա Նազելի Սարգսյանն է: Ըստ ոչ պաշտոնական վարկածի` կինն անզգուշությամբ վայր է ընկել պատուհանները լվանալու ժամանակ:

Փաստի առթիվ ոստիկանության Նոր Նորքի բաժնի քննչական բաժնում նյութեր են նախապատրաստվում: