ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ։ Նոյեմբերի 3-ին, ժամը 12։53-ին ՀՀ արտակարգ իրավիճակների նախարարությունն ահազանգ է ստացել, որ Երևանի Բաղրամյան պողոտայի 2-րդ փակուղու թիվ 6 շենքի բնակիչն ընկել է բնակարանում, չի կարողանում ինքնուրույն բացել դուռը. անհրաժեշտ է փրկարարների օգնությունը:
Ինչպես «Արմենպրես»-ը տեղեկացավ նախարարության կայքից, դեպքի վայր է մեկնել մեկ մարտական հաշվարկ:
Հրշեջ-փրկարարները բացել են բնակարանի դուռը և հատակին ընկած հայտնաբերել 1973թ. ծնված Մ. Շ.-ին, ում շտապօգնության աշխատակիցները ցուցաբերել են անհրաժեշտ բուժօգնություն: