398.88
Ալլա Պուգաչովան եւ Մաքսիմ Գալկինը երկվորյակ են ունեցել
1 րոպեի ընթերցում
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Հանգստյան այս օրերին ռուսական շոու-բիզնեսի ներկայացուցիչներ Մաքսիմ Գալկինն ու Ալլա Պուգաչովան Գրյազի իրենց առանձնատանը ուրախ առիթ են նշել. ամուսինները զույգ երեխաներ են ունեցել` տղա եւ աղջիկ: Ինչպես հաղորդում է «Արմենպրես»-ը, այս մասին «Կոմսոմոլսկայա պրավդա»-ին պատմել են առանձնատան աշխատողները, ովքեր արտիստների տանը մանկական սենյակն են պատրաստել:
Հայտնի է դարձել, որ երեխաներին լույս աշխարհ է բերել փոխնակ մայրը, բայց նրանք Գալիկինի եւ Պուգաչովայի կենսաբանական երեխաներն են:
Մանկական սենյակի ձեւավորողները պատմել են, որ Գրյազի առանձնատանը նախորդ շաբաթ հայտնվել են մանկական օրորոցները: Աստղային ամուսինների ուրախության մասին առաջին օրից տեղյակ են եղել ամենամտերիմները` պրիմադոննայի դուստր Քրիստինա Օրբակայտեն, ընտանիքի ընկերուհի Ալինա Ռեդելը ու Գալկինի եղբայր Դմիտրի Գալկինը:
Բաժանորդագրվեք մեր ալիքին Telegram-ում