1 րոպեի ընթերցում
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Billboard ազդեցիկ երաժշտական հանդեսը երգչուհի Փինքին շնորհել Է «Տարվա կին» կոչումը: Հրատարակության կայքում հաղորդվում Է, որ պարգեւը Փինքին կհանձնվի դեկտեմբերի 10-ին կայանալիք հանդիսավոր արարողության ժամանակ, տեղեկացնում Է «Արմենպրես»-ը:
Հանդեսում հրապարակված հաղորդագրության մեջ ասվում Է, որ անցյալ տարի Փինքի (իսկական անունը՝ Ալիսիա Բեթ Մուր) «The Truth About Loveե ալբոմը երգչուհու կարիերայի ընթացքում առաջին անգամ գլխավորել Է Billboard 200 վարկանիշը: Բացի այդ, 2013 թվականին «Just Give Me a Reasonե սինգլը դարձել Է Փինքի չորրորդ գործը, որը բարձրացել Է Billboard հանդեսի Hot 100-ի առաջին հորիզոնական:
Հանդեսը հիշեցրել Է, որ ընդամենը իր ողջ կարիերայի ընթացքում Փինքը վաճառել Է շուրջ 40 միլիոն ալբոմ եւ շուրջ 200 մլն տրեկ՝ Համացանցում:
Billboard հանդեսի «Տարվա կինը» կոչմանն ավելի վաղ արժանացել են Բեյոնսեն, Թեյլոր Սվիֆթը եւ Ֆերջին: 2012 թվականին այդ տիտղոսը շնորհվել Էր Քեթի Փերիին: