396.54
Հայաստանը կարող Է Մաքսային միությանը միանալ մինչեւ 2015 թվականը. Անդրեյ Սլեպնյով
1 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանը մինչեւ 2015 թվականը կարող Է անցնել Մաքսային միությանը միանալու բոլոր փուլերը, դառնալ այդ ինտեգրացիոն միավորման լիարժեք մասնակիցը եւ ակտիվորեն աշխատել Եվրասիական տնտեսական միության ձեւավորման գործընթացում: Այս կարծիքը, ինչպես տեղեկացնում Է «Արմենպրես»-ը, հղում անելով ԻՏԱՌ-ՏԱՍՍ-ին, սեպտեմբերի 13-ին Մինսկում լրագրողներին հայտնել Է Եվրասիական տնտեսական հանձնաժողովի առեւտրի գծով նախարար Անդրեյ Սլեպնյովը:
Նա Մաքսային միությանը Հայաստանի անդամակցելու վերաբերյալ հանրապետության նախագահ Սերժ Սարգսյանի արած հայտարարությունը որակել Է որպես «շատ լուրջ քաղաքական քայլ» եւ երկրի «ռազմավարական ընտրություն»: Սլեպնյովի գնահատմամբ, Մաքսային միությանը Հայաստանի լիարժեք մասնակցությունը կբերի հայկական տնտեսության վերականգման:
Անդրադառնալով Մաքսային միությանը Հայաստանի միանալու ժամկետների հարցին՝ նախարարը նշել Է, որ «մենք պետք Է ձգտենք հասնել նրան, որ Հայաստանը լինի Եվրասիական տնտեսական միության համահիմնադիր: Ուստի մեկ տարուց փոքր-ինչ ավելի ժամանակահատվածում պետք Է կատարել Մաքսային միությանը միանալու ողջ աշխատանքը»:
Բաժանորդագրվեք մեր ալիքին Telegram-ում