Ռոն Քեյը հոդվածով անդրադարձել է գլենդեյլաբնակ Զարեհ Սինանյանին

ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Los Angeles Daily News-ի նախկին խմբագիրՌոն Քեյը, ով համարվում է ամերկյան ամենաազդեցիկ քաղաքական վերլուծաբաններից մեկը,վերլուծական հոդված է հրապարակել Գլենդեյլի քաղաքային խորհրդի նորընտիր անդամ Զարեհ Սինանյանի մասին: Ինչպես հաղորդում է «Արմենպրես»-ը` վկայակոչելով նշված թերթը, վերլուծաբանի գնահատմամբ` հայազգի երիտասարդ գործչի գործունեությունը հետաքրքրական է, քանզի նա պայքարում է իր քաղաքական նպատակների ու գաղափարների իրականացման համար:

Շատ հարցերում Սինանյանըհետևում է իր թեկնածությունը պաշտպանած Հայ դատի հանձնախմբի քաղաքականությանը, ինչպես, օրինակ` էլեկտրաէներգիայի սակագնի բարձրացման կոշտ բանավեճերում, երբ նա այլընտրանքային լուծում առաջադրեց քաղաքային խորհրդի ընդունած նոր բանաձևի դեմ` առաջարկելով սակագնիտարեկան ընդհամենը 3 տոկոս բարձրացում: Ընդունված բանաձով նախատեսվում է Էլեկտրաէներգիայի գինը 2013թ.-ին բարձրացնել 8 տոկոսով, 2014թ.-ին՝ 7 տոկոսով, 2015թ.-ին՝ 5 տոկոսով, իսկ 2016 ու 2017 թվականներին՝ 2-ական տոկոսով:

«Ես հասկացա, որ Հարավային Գլենդեյլին վերաբերող խնդիրներում իմ տեսլականը տարբերվում է մյուսների տեսլականից: Շրջելով քաղաքի այդ հատվածում` դուք կարող եք տեսնել, թե ինչպես է այն որակապես տարբերվում Հյուսիսային Գլենդելից, որտեղ ես եմ բնակվում, և որտեղ մարդիկ ավելի բարեկեցիկ կյանքով են ապրում: Հարավային Գլենդեյլի բնակիչների համար սակագների բարձրացումը կարևորագույն խնդիր է»,- մեկնաբանել է Սինանյանը:

Ըստ նրա` ստեղծված իրավիճակումբնակչության ցածր եկամուտ ունեցող հատվածի համար Էլեկտրաէներգիայի վարձիթանկացումը10-ից 13 դոլարի «մխիթարական մրցանակ է, պահեստային լուծում»:

«Իմ նախընտրական քարոզարշավի կարգախոսն էր` «Եկեք Գլենդեյլը դարձնենք ավելի լավը», որն իրագործելու համար անհրաժեշտ է ավելի թափանցիկ գործել և Գկենդեյլում բիզնեսի զարգացման համար հնարավորություններ ստեղծել... Եկեք անկեղծ լինենք. առաջիկա հինգ տարվա ընթացքում մենք պատրաստվում ենք բարձրացնել աշխատավարձերը, ինչից այս ամբողջ մոդելը կփլուզվի, և մենք կրկին ստիպված կլինենք կանգնել սակագների բարձրացման խնդրի առջև»:

Հոդվածագիրը նաև անդարադարձել է Գլենդեյլի քաղաքային խորհրդի նախընտրական շրջանում տեղի ունեցած միջադեպին, որստվեր էր գցել հայազգի քաղաքական գործչի հեղինակության վրա: Youtube կայքով տարածվել էր տեսանյութ, ուր ներկայացվում էին տարիներ առաջ Սինանյանի արած ռասիստական բնույթի մեկնաբանությունները: «Այնուհանդերձ, բողոքի ոչ մի դեպք չի գրանցվել ընտրություններից հետո նրա պահվածքի վերաբերյալ` որպես ընտրված պաշտոնյա»,- հավելում է հոդվածագիրը: