Հայտնի է հաջորդ «Օսկար» մրցանակաբաշխության հաղորդավարողի անունը

ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ: Ամերիկյան կինոակադեմիայի «Օսկար» հերթական մրցանակաբաշխությունը 2014 թվականի մարտի 2-ինկվարի կոմեդիայի ժանրում հայտնի դերասանուհի Էլեն Դեդժեներիսը: Ինչպես հաղորդում է «Արմենպրես»-ը` վկայակոչելով Rusnovosti.ru կայքը, հենց նա է ապահովելու հեռուստադիտողների եւ մրցանակաբաշխության ներկաների ժամանցը:

Մրցանակաբաշխության պրոդյուսեր Նիլ Մերոնը հույս է հայտնել, որ Դեդժեներիսին կհաջողվի «ցրել» այն բացասական մթնոլորտը, որն առկա էր նախորդ «Օսկար»-ից, երբ որպես հաղորդավար էր հանդես եկել Սետ Մակֆարլեյնը, ում կոպիտ հումորները նեղացրել էին շատ աստղերի եւ արձագանք չէին գտել հանդիսատեսի շրջանում: Այս տարվա հաղորդավարուհին իր հերթին ընդգծել է, որ ուրախ կլինի վարել արարողությունն երկրորդ անգամ: Դեդժեներիսը արդեն փայլել է «Օսկար»-ում 2007 թվականին, որի արդյունքում նա ներկայացվել էր «Էմմի» մրցանակաբաշխությանը: