2 րոպեի ընթերցում
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Մոսկվայի ոստիկանական բաժանմունքի քննիչը սկսել է Հրաչյա Հարությունյանի հարցաքննությունը` Պոդոլսկի մոտակայքում տեղի ունեցած ողբերգական ավտովթարի գործով:«Արմենպրես»-ի փոխանցմամբ`«ԻՏԱՌ - ՏԱՍՍ» լրատվական գործակալությանըՆերքին գործերի նախարարության Մոսկվայի ծառայությունից հաղորդել են, որհարցաքննությունը տեղի է ունենում «Մատրոսկայա տիշինա» մեկուսարանում:Առողջական գանգատների պատճառովՀարությունյանին ավելի վաղ այդ մեկուսարանի հիվանդանոց էին տեղափոխել:
Հուլիսի 13-ին` ժամը 13:00-ին, «Նոր Մոսկվա»-ում` Պոդոլսկ գյուղի մոտակայքում, մանրախճով բեռնված «Կամազ» մակնիշի բեռնատար մեքնենան դուրս է եկել ճանապարհից և բախվել Պոդոլսկից Կուրիլովո գնացող ЛиАЗ ավտոբուսին` այն բաժանելով երկու մասի: Ավտովթարի արդյունքում զոհվել է 18 մարդ և ավելի քան 30-ը վիրավորվել են: Հրաչյա Հարությունյանին մեղադրանք է առաջադրվել երթևեկության անվտանգության կամ շահագործման կանոնները խախտելու համար, ինչն անզգուշությամբ առաջացրել է երկու կամ ավելի մարդու մահ: Նրա նկատմամբ կիրառվել է երկամսյա կալանք: Նրան դատարան էին տարել կանացի խալաթով:
ՀՀ ՄԻՊ Կարեն Անդրեասյանը Հրաչյա Հարությունյանի գործով Մոսկվա է մեկնել հուլիսի 21-ին: Նա գործը քննարկելու էր Հարությունյանի փաստաբանների հետ: Այցի շրջանակներում նախատեսվում է նաև հանդիպումներ խնդրի հետ առնչություն ունեցող մի շարք պաշտոնյանների, հայ համայնքի ներկայացուցիչների և այլ շահագրիգիռ անձանց հետ: