2 րոպեի ընթերցում
ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Ժնեւում վերջնականապես որոշվել են «Եվրատեսիլ 2014» -ի անցկացման ժամկետները: Երգի հեղինակավոր այս մրցույթի եզրափակիչ փուլը հաջորդ տարի տեղի կունենա մայիսի 10-ին, իսկ կիսաեզրափակիչները` 6-ին եւ 8-ին Դանիայում: Ինչպես հաղորդում է «Արմենպրես»-ը` վկայակոչելով մրցույթի պաշտոնական կայքը, մրցույթի սուպերվայզեր Յան Օլա Սանդը նշել է, որ կազմակերպիչները փորձել են հնարավորինս «ճկունություն» մտցնել մրցույթի անցկացման ամսաթիվը որոշելու գործում:
Նրանց հավաստմամբ` նույն մոտեցումը կկիրառվի նաեւ «Եվրատեսիլ 2014»-ի անցկացման քաղաքի ընտրության դեպքում:
Մրցույթին գործադիր տնօրեն Պերնիլ Գաարդոն ընդգծել է, որ դանիական երեք երկիր են հավակնում դառնալ գալիք գարնանը մրցույթը հյուրընկալող քաղաք, սակայն թե որոնք են այդ երկրները, դեռ չի բարձրաձայնվում:
«Եվրատեսիլ 2013»-ի եզրափակիչ փուլում առաջին տեղը զբաղեցրեց Դանիայի ներկայացուցիչ Էմիլի դե Ֆորեստը` Only Teardrops երգով:Շվեդիայի Մալմյո քաղաքի «ՄալմյոԱրենա» համերգասրահում անցկացվող երգի մրցույթի լավագույն հնգյակում հայտնվեցին Ադրբեջանը, Ուկրաինան, Նորվեգիան եւ Ռուսաստանը:
«Եվրատեսիլ 2013»-ի եզրափակիչ փուլում Հայաստանի պատվիրակ «Դորիանս» ռոք խմբին չհաջողվեց հայտնվել լավագույն տասնյակում: