ԱՄՆ Պետդեպարտամենտն անհանգստացած է Ադրբեջանում «Ազատություն» ռադիոկայանի եթերներում խոտանի առնչությամբ

ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: ԱՄՆ-ին մտահոգում է խոսքի ազատության վիճակն Ադրբեջանում: Ինչպես հաղորդում է «Արմենպրես»-ը` վկայակոչելով ԱՄՆ Պետդեպարտամենտի պաշտոնական կայքը, Պետդեպարտամենտըկապվել է«Ազատ Եվրոպա/Ազատություն»(Radio Free Europe/Radio Liberty)ռադիոկայանի և Ադրբեջանի կառավարության հետ` քննարկելու արբանյակային հեռարձակման հետ կապված խնդիրները: Այս մասին հունիսի 27-ին կայացած ամենօրյա ճեպազրույցի ժամանակ նշել է ԱՄՆ Պետդեպարտամենտի մամուլի գրասենյակի տնօրեն Պատրիկ Վենթրելը:

Մոտ մեկ շաբաթ առաջ «Ազատություն»ռադիոկայանըհայտարարել էր իր կասկածների մասին` Ադրբեջանի տարածքում «Ազատություն» ռադիոկայանի՝ արբանյակների միջոցով հեռարձակվող հաղորդումների ժամանակ արհեստական խոտանները ստեղծվում ենկառավարության կողմից:ԱՄՆ պետդեպարտամենտը զեկույցներ է ստացել նաև մի շարք այլ հեռարձակողների`Ադրբեջանի տարածքումարբանյակային ծրագրավորման հետ կապված խնդիրների մասին:

Խնդիրը քննարկելու համար Պետդեպարտամենտըկապվել է «Ազատություն»ռադիոկայանի և Ադրբեջանի կառավարության հետ: «Մենք կարծում ենք` «Ազատություն»ռադիոկայանը կարևոր ներդրում ունի ադրբեջանական ԶԼՄ-ների համայնապատկերում: Այն Ադրբեջանումապահովում է այդքան անհրաժեշտ անաչառ եւ անկախ լրագրության մոդելը, իսկ Միացյալ Նահանգները լիովին սատարում է լրատվամիջոցների և խոսքի ազատության պահպանմանն Ադրբեջանում»,- նշել է Վենթրելը:

«Ազատություն» ռադիոկայանի տարածած հաղորդագրությունում նշվել էր, որ ռադիոկայանի ադրբեջանական ծառայության և հատկապես «Տարբերվող նորություններ» հեռուստածրագրի հեռարձակման ժամանակ կապված խնդիրներ են առաջանումձայնի և պատկերի հետ: Հեռուստահաղորդումը հեռարձակում է թուրքական TurkSat արբանյակի միջոցով: Խնդիրները նկատվել են մայիսի 28-ից՝ երեք շաբաթ շարունակ: Դրանցից խուսափելու համար ռադիոկայանը փոխել է հեռարձակման հաճախականությունը և հեռարձակողին, բայց ԱՄՆ-ի միջազգային հեռարձակման բյուրոյի աշխատակիցները շարունակում էին արձանագրել էլեկտրոնային միջամտության փորձեր: Վերջին միջամտությունը նկատվել է հունիսի 16-ի հեռարձակման ժամանակ: