Esctoday կայքն Էմմիի նոր «Ծիածան/Քեզ գտա» տեսահոլովակը դիտարկել է որպես փոփ արքայադուստր կոչմանը վերադարձի փորձ
1 րոպեի ընթերցում
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: «Եվրատեսիլ» միջազգային մրցույթի հիմնական հեռարձակող Esctoday կայքն անդրադարձել է Էմմիի նոր` «Ծիածան/Քեզ գտա», տեսահոլովակին: «Երգչուհու վերջին տեսահոլովակը պարային երաժշտություն է` էթնո-փոփ ֆյուժըն ժանրում: Այս տեսահոլովակով Էմմին նպատակադրվել է վերադառնալ թոփ հորիզոնականներ և վերականգնել «Հայաստանի փոփ արքայադուստր» կոչումը»,- «Արմենպրես»-ի հաղորդմամբ` գրում է կայքը:
Տեսահոլովակը համացանցում է հունիսի երեքից: Խոսքերի հեղինակն է Գայանե Ավետիսյանը, իսկ երաժշտությանը` Նիք Եգիբյանը,ով 2010 թվականին մասնակցել է «Եվրատեսիլ 2010»-իհայաստանյան նախընտրական եզրափակիչ փուլին, ինչպես նաև պատրաստել «Realise Us» երգը «Եվրատեսիլ 2013»-ի մրցույթի համար: