Գդանսկում կայացել է «Պատանի պարողների Եվրատեսիլ 2013» մրցույթի բացման պաշտոնական արարողությունը
2 րոպեի ընթերցում
ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: Լեհաստանի Գդանսկ քաղաքում տեղի է ունեցել«Պատանի պարողների Եվրատեսիլ 2013» միջազգային մրցույթիբացման պաշտոնականարարողությունը: Ինչպես հաղորդում է «Արմենպրես»-ը` վկայակոչելով մրցույթի պաշտոնական կայքը, երեկ երեկոյան տեղի ունեցած բացման արարողությանը ներկա են եղել մրցույթի10 մասնակից երկրների պատվիրակությունները: Հայաստանյան պատվիրակությունը Գդանսկ մեկնել էր հունիսի 7-ի լուսադեմին:«Գդանսկը պատրաստ է հյուրընկալել «Պատանի պարողների Եվրատեսիլ 2013» մրցույթը: Նախորդ գիշեր «Բալթիկ» օպերայի տանը կայացած բացման արարողությունով մեկնարկվել է մրցույթի միջոցառումների շարքը: Մասնակիցները ներկայացրել են բեմադրիչ Իզադորա Վայսսի և հայտնի սերբ կոմպոզիտոր Գորան Բրեգովիչի «Ամառային գիշերվա երազ» պարային կատարումը»,- նշված է հրապարակման մեջ:
Հայաստանըմրցույթում ներկայացնող 17-ամյա Վահագն Մարգարյանըկկատարի «Փակուղի» անվանումով մենապար: Հայկական բեմադրության համար գրված երաժշտության հեղինակն է Օտտո Բուբենչիկը: Կհնչի դուդուկ և ջութակ:Պատվիրակության կազմումեն նաև Վահագնի պարուսույցը` Երեւանի պարարվեստի պետական քոլեջի տնօրեն Արմեն Գրիգորյանը, և բեմադրության հեղինակ, Շվեդիայի թագավորական թատրոնի մենապարող Արսեն Մեհրաբյանը:
Համաձայն մրցույթի կանոնադրության` բեմադրությունը կունենա մեկ ու կես րոպե տևողություն: Եզրափակիչ անցած պարողներին կսպասվի իմպրովիզի փուլը, որտեղ գնահատելի կլինի շուտ կողմնորոշվելու ունակությունը եւ տարբեր ոճերում հանդես գալու կարողությունը:
Միջազգային այս հեղինակավոր մրցույթին այս տարի մասնակցում է տասը երկիր: Հայաստանը մրցույթին մասնակցում է առաջին անգամ:Հունիսի 14-ին` ժամը 22:00-ին, «Պատանի պարողների Եվրատեսիլ 2013»-ը կհեռարձակվի Հայաստանի հանրային հեռուստաընկերության ուղիղ եթերում:Մրցույթը բոլոր ցանկացողների համար հասանելի կլինի նաեւ վիրտուալ տիրույթում` մրցույթի պաշտոնական կայքում։ Դեռեւս վիճակահանություն տեղի չի ունեցել, եւ հայտնի չէ երկրների ելույթների հերթականությունը: