Վահագն Հայրապետյանը եւ Դանիել Կրամերը հանդես կգան համատեղ համերգով

ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ: Դաշնակահար, «Կատուներ» հայկական էթնո-ջազ խմբի հիմնադիրՎահագն Հայրապետյանը եւ հանրահայտ ռուս ջազմեն Դանիել Կրամերը Երեւանի Արամ Խաչատրյանի անվան համերգասրահում մայիսի 12-ին հանդես կգան համատեղ համերգով: Ինչպես «Արմենպրես»-ին տեղեկացրին համերգի կազմակերպիչ «Թի Էմ պրոդաքշն» ընկերությունից` մայիսի 12-ին ակումբում տեղի կունենա նաեւ երաժիտների համատեղ ձայնասկավառակի շնորհանդեսը:

Արամ Խաչատրյանի անվան համերգասրահում համերգի ավարտից հետո նույն օրը` ժամը 22:00-ին, համերգային երեկո տեղի կունենա նաեւ Mezzo Classic house ակումբում:

Դանիել Կրամերը խորհրդային տարիներից հայտնի ջազային երաժիշտ է, կոմպոզիտոր եւ պրոդյուսեր, Ռուսաստանի Դաշնության վաստակավոր արտիստ է:

Հայաստանի Հանրապետության վաստակավոր արտիստ, «Կատուներ» հայկական էթնո-ջազ խմբի հիմնադիրՎահագն Հայրապետյանըհայկական ջազային երաժշտության ամենավառ ներկայացուցիչներից մեկն է, ով չի դադարում նոր «ջազային» գաղափարներ կյանքի կոչել: