Մոսկվայում սպանվել է Հայաստանի քաղաքացի գանձապահ մի կին

ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Մոսկվայի կենտրոնում գտնվող տարադրամի փոխանակման կետի վրա իրականացված հարձակման հետևանքով զոհված գանձապահը Հայաստանի քաղաքացի է: Ինչպես հաղորդում է «Արմենպրես»-ը` վկայակոչելով kp.ru-ն, այդ մասին հաղորդել է ՌԴ ոստիկանությունը: Նշվել է, որ երբ ոստիկանները ժամանել են դեպքի վայր, գանձապահը մահացած է եղել: Կինը զոհվել է հրազենային կրակոցից:

Չհրկիզվող պահարանից անհետացել է 4.5 մլն ռուբլի։ Այժմ պարզվում են հանցագործության հանգամանքները: Հարուցվել է քրեական գործ` սպանության հոդվածով: