Հուշարձանագետ Սամվել Կարապետյանը պատրաստվում է գիտական նոր աշխատություն ներկայացնել

ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Հայկական ճարտարապետությունն ուսումնասիրող հիմնադրամի նախագահ Սամվել Կարապետյանն իր տեսաբլոգում պատմել է թրքախոս հայերի մասին: Ինչպես «Արմենպրես»-ին տեղեկացրին Սամվել Կարապետյանի տեսաբլոգի ադմինիստրացիայից, Սամվել Կարապետյանը հույս ունի, որ այս տարվա ընթացքում ինքը կհասցնի ամբողջական տարբերակով կազմել եւ հրատարակել գիտական աշխատություն, որտեղ կներկայացնի Կուր գետի ձախ ափին գտնվող 300 գյուղերի պատմություններ, հայկական ճարտարապետական հուշարձանները` չափագրումներով, լուսանկարներով: Սամվել Կարապետյանը հատորի վերջում նաեւ նախատեսել է ներկայացնել իր հուշերը: Ուսումնասիրությունը բաղկացած կլինի 600-700 էջից:

Տեսանյութում հուշարձանագետը պատմում էնաեւթրքախոս հայերի մասին, որոնց հանդիպել է Կուր գետի ձախ ափում գտնվող միայն երկու գյուղում: Մանրամասները` տեսանյութում: