«Արմենպրես»-ը ներկայացնում է ԱՄՆ Մեյն նահանգի կողմից ԼՂ անկախությունը ճանաչող բանաձեւի տեքստն ամբողջությամբ

ԵՐԵՎԱՆ, 11 ԱՊՐԻԼ, ԱՐՄԵՆՊՐԵՍ: «Արմենպրես»-ը ներկայացնում է ԱՄՆ Մեյն նահանգի կողմից Լեռնային Ղարաբաղի անկախությունը ճանաչող բանաձեւի տեքստն ամբողջությամբ: Բանաձեւով դրա հեղինակները, ՄեյնիՆերկայացուցիչների պալատը եւ Սենատը կոչ են արել ԱՄՆ նախագահին եւ Կոնգրեսին` աջակցել ԼՂՀ ինքնորոշմանը:

Բանաձեւի տեքստը` ստորեւ:

«Մենք` Մեյն նահանգի 126 օրենսդիր մարմնի ներկայացուցիչներս, հավաքվել ենքպարբերականնստաշրջանիառաջին նիստինեւ ամենայն հարգանքով ներկայացնում ու դիմում ենք Միացյալ Նահանգների նախագահին և ԱՄՆ Կոնգրեսին` հետևյալ խնդրանքով`

• Հաշվի առնելով, որ Լեռնային Ղարաբաղը ցամաքով շրջափակված գոտի է Հարավային Կովկասում և պատմականորեն եղել է հայկական տարածք, բնակեցված է բացառապես հայերով և անջատվել է Հայաստանի կազմից Խորհրդային Միության դիկտատոր Իոսիֆ Ստալինի հրամանով 1921 թվականին և մտցվել նորաստեղծ Խորհրդային Ադրբեջանի վարչակազմ,
• Հաշվի առնելով, որ 1988 թվականի փետրվարի 20-ին նշանավորվել է Լեռնային Ղարաբաղի ազգային ազատագրական շարժմանը սկիզբը,
• Հաշվի առնելով, որ Լեռնային Ղարաբաղի ժողովրդավարական շարժումը ոգեշնչել է Խորհրդային Միության ժողովուրդներին` պայքար սկսել հանուն իրենց իրավունքների և ազատությունների` օգնելով ժողովրդավարություն հաստատել միլիոնավոր մարդկանց,
• Հաշվի առնելով, որ 1989 թվականին Միացյալ Նահանգների Սենատն իր աջակցությունն է հայտնել Լեռնային Ղարաբաղի ժողովրդի ազատության օրինական ձգտումներին,
• Հաշվի առնելով, որ 1991 թվականի սեպտեմբերի 2-ին ժողովրդավարության հաստատման համաժողովրդական կամարտահայտության ժամանակ Լեռնային Ղարաբաղում ընտրված օրենսդիր մարմինը հայտարարել էժամանակի միջազգային նորմերին և գործող օրենսդրությանը համապատասխանԼեռնային Ղարաբաղի Հանրապետություն ստեղծելու մասին,
• Հաշվի առնելով, որ 1991 թվականի դեկտեմբերի 10-ի հանրաքվեի ժամանակ Լեռնային Ղարաբաղի ժողովրդի ճնշող մեծամասնությունը կողմ է քվեարկել ԼՂ անկախությանը, և 1992 թվականի հունվարի 6-ին Լեռնային Ղարաբաղի Հանրապետության ժողովրդավարական չափանիշերին համապատասխան ընտրված օրենսդրությամբ պաշտոնապես հայտարարել է իր անկախության մասին,
• Հաշվի առնելով, որ Ադրբեջանը լայնածավալ ռազմական ագրեսիա է ծավալել` ճնշելու ԼՂՀ ազգային-ազատագրական շարժումը, որն ավարտվել է 1994 թվականի հրադադարի պահպանման մասին համաձայնագրի ստորագրմամբ,
• Հաշվի առնելով, որ,որպես միջնորդ երկիր, Ռուսաստանի եւ Ֆրանսիայի հետ միասին, Միացյալ Նահանգները իր տեսլականն է արտահայտել Հարավային Կովկասում կայունության եւ խաղաղության վերաբերյալ, և որ Միացյալ Նահանգների անմիջական օգնությունըԼեռնային Ղարաբաղինմարդասիրական օգնության կարևոր աղբյուր է այդ հանրապետությունում հետպատերազմական վերականգնողական աշխատանքների համար,
• Հաշվի առնելով, որԼեռնային Ղարաբաղի Հանրապետությունն այժմ ունի ժողովրդավար ազգ` իր ազատ շուկայական տնտեսությամբ, և կենսունակ քաղաքացիական հասարակություն, անցկացրել է մի քանի նախագահական և խորհրդարանական ընտրություններ, որոնք բոլորն էլ միջազգային դիտորդների կողմից ազատ և արդար են որակվել,

  Ուստի այժմ թող վճռված համարվի

• Որ մենք` Ձեզ խնդրանքով դիմողներս, խրախուսում և աջակցում ենք Լեռնային Ղարաբաղի Հանրապետության ժողովրդի` որպես ազատ և անկախ ազգզարգանալու, իր քաղաքացիների իրավունքները երաշխավորելուշարունակական ջանքերը, որոնք հատուկ են ազատ և անկախ հասարակությանը,
• Որ մենք կոչ ենք անում և պահանջում ենք Միացյալ Նահանգների նախագահից և ԱՄՆ Կոնգրեսից` աջակցել Լեռնային Ղարաբաղի Հանրապետության ինքնորոշմանը, ժողովրդավար անկախությանը, դրա կառուցողական ներգրավվածությանը միջազգային հանրության ջանքերին` հասնելու ռազմավարական առումով կարևոր այդ տարածաշրջանում անվտանգության հարցերի արդարացի և տևական լուծմանը,

Որ սույն բանաձևի համապատասխան օրինակները` պատճած ձևով վավերացված ԱՄՆ պետքարտուղարի կողմից, փոխանցվեն Միացյալ Նահանգների նախագահ հարգարժան Բարաք Հ. Օբամային, Միացյալ Նահանգների Սենատի նախագահին, Միացյալ Նահանգների Ներկայացուցիչների պալատի խոսնակին, ԱՄՆ-ում Լեռնային Ղարաբաղի Հանրապետության գործող ներկայացուցիչ Ռոբերտ Ավետիսյանին և Մեյնի Կոնգրեսի պատվիրակության բոլոր անդամներին»:

Միացյալ Նահանգների Մեյն նահանգի Ներկայացուցիչների պալատը եւ Սենատը ապրիլի 10-ին համատեղ բանաձեւով ճանաչելենԼեռնային Ղարաբաղի Հանրապետության (ԼՂՀ) անկախությունը:Բանաձեւը ներկայացրել է կոնգրեսական Սքոթ Համմանը (Հյուսիային Փորթլանդ)` կոնգրեսականներ Էյմ Գեթթայնի (Ուսթբրուք) եւ Ս. Գիդեոնի (Ֆրիիփորթ) օժանդակությամբ:

Մեյնը Միացյալ Նահանգների երրորդ նահանգն է արդեն, որ նման բանաձև է ընդունել:

2012 թվականի մայիսի 17-ինՌոդ Այլնդի Ներկայացուցիչների պալատն ընդունել է ԼՂ անկախությունը ճանաչող բանաձև: Իսկ 2012 թվականիօգոստոսի 6-ինՄասաչուսեթսիՆերկայացուցիչների պալատն է ընդունել նույնանման որոշում: