2 րոպեի ընթերցում
ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: «Եվրատեսիլ 2013» երգի միջազգային մրցույթում Հայաստանը ներկայացնող «Դորիանս» ռոք խմբի Lonley planet երգի վերջնական տարբերակը եւ տեսահոլովակը մարտի 18-ին հանձնվեցին հանրության դատին: «Արմենպրես»-ի փոխանցմամբ` մրցույթին մասնակից բոլոր երկրների ներկայացուցիչները պետք է ներկայացնեին երգի վերջնական տարբերակը Եվրոպական հեռարձակողների միություն մարտի 18-ին:
Lonley planet երգի տեսահոլովակի հեղինակը նաեւ խոսքերի համահեղինակ Վարդան Զադոյանն է:Երգի երաժշտությունը գրել է Black Sabbath անգլիական ռոք խմբի կիթառահար Թոնի Այոմին եւ համահեղինակել է «Դորիասն» խումբը:Մինչ մարտի 18-ը մասնակից երկրները իրավունք ունեին իրականացնել երգի վերջնական ձայնագրումը եւ փոփոխել երգը` նորովի գործիքավորելով այն:
«Եվրատեսիլ 2013»-ը տեղի կունենա մայիսի 14-18-ը Շվեդիայի Մալմյո քաղաքում:«Մենք մեկ ենք» կարգախոսի ներքո անցկացվող մրցույթին այս տարի կմասնակցի 39 երկիր: Հայաստանը կներկայանա2-րդկիսաեզրափակչում մայիսի 16-ին:
Հայաստանի հանրային հեռուստաընկերության «Եվրատեսիլ» նախագծի պատասխանատու Գոհար Գասպարյանը մեկնել է Շվեդիա, որտեղ պատվիրակությունների ղեկավարների հանդիպման ընթացքում քննարկվելու են մրցույթի անցկացման հետ կապված բոլոր մանրամասները, ներկայացվելու է օրակարգը: