Թուրքիայի նախագահը շնորհավորել է Սերժ Սարգսյանին վերընտրվելու կապակցությամբ

ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Թուրքիայի նախագահ Աբդուլլա Գյուլը շնորհավորել է Սերժ Սարգսյանին Հայաստանի Հանրապետության նախագահի պաշտոնում վերընտրվելու կապակցությամբ: Ինչպես հաղորդում է«Արմենպրես»-ը, այս մասին տեղեկացում է թուրքական Anadolu գործակալությունը:Թուրքիայի նախագահականից տեղեկացրել են, որ Աբդուլլա Գյուլը ՀՀ նախագահի պաշտոնում վերընտրվելու կապակցությամբ շնորհավորական ուղերձ է հղել Սերժ Սարգսյանին:

Հայաստանի Հանրապետությունում նախագահի ընտրության նախնական արդյունքներով երկրի ղեկավարի պաշտոնում վերընտրվեց Սերժ Սարգսյանը: Նա ստացավ 861 հազար 160 քվե՝ վավեր ձայների 58,64 տոկոսը: