Արթուր Օսիկյանը IFES-ի ներկայացուցչի հետ քննարկել է բնակչության պետական ռեգիստրում տեղեկությունների հավաստիության հարցը
1 րոպեի ընթերցում
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ:ՀՀ ոստիկանության պետի տեղակալ, ոստիկանության գեներալ- մայոր Արթուր Օսիկյանը հունվարի 31-ինընդունել է IFES ընտրական համակարգերի միջազգային հիմնադրամի հայաստանյան գրասենյակի տնօրեն Լինդա Էջվորսի գլխավորած պատվիրակությանը:
ՀՀ ոստիկանությունից«Արմենպրես»-ի տեղեկացրին, որ հանդիպման ընթացքում կողմերը հերթական անգամ ամփոփել են բնակչության պետական ռեգիստրում մշակվող տեղեկությունների հավաստիության և լրիվության ապահովման ուղղությամբ համատեղ իրականացված աշխատանքները:
Կողմերը քննարկել են նաև բնակչության պետական ռեգիստրում մշակվող տեղեկությունների հավաստիության և լրիվության ապահովման ուղղությամբ իրականացված աշխատանքների վերլուծության արդյունքները, ինչպես և մշակել Հայաստանի Հանրապետության ընտրողների ռեգիստրի մատչելիության, ընտրացուցակներում առկա անճշտությունների շտկման ուղությամբ միջազգային ստանդարտներին համապատասխան չափորոշիչներ կիրառելու և հետագա համագործակցության ձևաչափերը: