Ռիչարդ Կիրակոսյանը ՀՀ գործող նախագահի հաղթելու հնարավորությունը մեծ է համարում

ԵՐԵՎԱՆ,21 ՀՈՒՆՎԱՐԻ, ԱՐՄԵՆՊՐԵՍ: Հայաստանում փետրվարի 18-ին կայանալիք նախագահական ընտրություններում մեծ է գործող նախագահ Սերժ Սարգսյանի հաղթանակի հավանականությունը: Ինչպես հունվարի 21-ին հրավիրված մամուլի ասուլիսի ժամանակ ասաց քաղաքագետ Ռիչարդ Կիրակոսյանը,մյուս թեկնածուները կարող են միայն տեսական հաղթանակ տոնել: «Նախկին վարչապետ Բագրատյանը և Րաֆֆի Հովհաննիսյանը հանդես կգան նոր ծրագրերվ և կաջակցեն քաղաքական երկխոսությանը: Կարևոր մարտահրավեր կլինի ընտրությունների ազատ և թափանցիկ անցկացումը»,-«Արմենպրես»-ի հաղորդմամբ՝ ասաց Ռիչարդ Կիրակոսյանը:Նա հետաքրքրական է համարում նաև այն, որ քաղաքական խոշոր ուժերը չեն մասնակցում այս ընտրություններին:«Ընտրություններին չեն մասնակցում Լևոն Տեր Պետրոսյանը, ԲՀԿ-ն չի առաջադրել թեկնածու, ՀՅԴ-ն՝ ևս: Նրանց՝ ընտրություններրին չմասնակցելն իր հետքը կթողնի այս ընտրություններում»,-ասաց Կիրակոսյանը:

Անդրադառնալով ՀԱԿ-ի նախագահական ընտրություններին որդեգրած դիրքորոշմանը՝ Կիրակոսյանը սխալ համարեց, որ ՀԱԿ-ը չսատարեց Հրանտ Բագրատյանի թեկնածությունը:

«Հայաստանը շատ ավելի կայուն է, քան իր հարևանները, բայց հետաքրքրական այն է, որ Հայաստանի արտաքին քաղաքականության ուժեղացումը կախված է նաև ներքին քաղաքականությունից»,-ասաց Կիրակոսյանը:

Խոսելով արտաքին քաղաքականության մարտահրավերների մասին՝ քաղաքագետն ասաց, որ «ներկայիս Վրաստանը շատ ավելի անկանխատեսելի է, Թուրքիան դեռ չգիտի, թե ինչ է ուզում հայերից, իսկ Ադրբեջանը դարձել է ավելի վտանգավոր»:

ՀՀ-ում նախագահական ընտրությունները կանցկացվեն 2013թ-ի փետրվարի 18-ին: Նախընտրական քարոզարշավը մեկնարկել է այսօր և կտևի մինչև փետրվարի 16-ը: