398.84
Դի Կապրիոն կմեկնի երկարատեւ արձակուրդի
1 րոպեի ընթերցում
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Ամերիկացի հայտնի դերասան Լեոնարդո Դի Կապրիոն կգնա երկարատեւ արձակուրդի: Ինչպես հաղորդում է «Արմենպրես»-ը`վկայակոչելով «ԻՏԱՌ-ՏԱՍՍ»-ը, այդ մասին դերասանը հայտարարել է գերմանական «Բիլդ» թերթին տված հարցազրույցում: «Ես զգում եմ, որ սպառվել եմ եւ պետք է հանգստանամ: Երկու տարվա ընթացքում ես նկարահանվել եմ երեք ֆիլմերում եւ հիմա ուժասպառ եմ եղել»,-ասել է նա: Դերասանը հայտնել է, որ պատրաստվում է ճանապարհորդության մեկնել:
Դերասանին համաշխարհային ճանաչում բերեց «Տիտանիկ» ֆիմը: Դի Կապրիոն Բեռլինի կինոփառատոնի «Արծաթագույն արջ»-ի եւ «Ոսկե գլոբուս»-ի մրցանակակիր է, մի քանի անգամ էլ պայքարել է «Օսկար»-ի համար:Շրջակա միջավայրի մաքրությունը Դի Կապրիոն համարում է իր կյանքի նպատակներց մեկը:
Բաժանորդագրվեք մեր ալիքին Telegram-ում