Երգչուհի Շակիրան որդի է ունեցել

ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Կոլումբիացի հանրահայտ երգչուհի Շակիրան եւ ֆուտբոլիստ Ժերար Պիկեն ծնողներ են դարձել: Ինչպես հաղորդում է «Արմենպրես»-ը` վկայակոչելով ռուսական լրատվամիջոցները, 35-ամյա փոփ-աստղը որդի է լույս աշխարհ բերել: Ուրախալի լուրը հանրությանը հայտնել է երջանիկ հայրը: Նա նշել է, որ որդի է ունեցել եւ շատ երջանիկ է:Երեխայի անունը դեռեւս հայտնի չէ:

Շակիրան եւ «Բարսելոնա»-իֆուտբոլիստ Ժերար Պիկեն հանդիպում են 2011թվականի սկզբից: Նորածինը նրանց առաջին երեխան է: