Արթուր Աբրահամը պատրաստվում է գալիք տարի ամուսնանալ

ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Արթուր Աբրահամը գալիք տարի ցանկանում է գերազանցել այս տարվա ձեռբերումները:«Արմենպրես»-ի հաղորդմամբ, լրագրողների հետ զրույցում նման կարծիք հայտնեց WBO վարկածով աշխարհի չեմպիոնը:«Նոր տարվա երազանքներ չեմ պահում, սակայն ուզում եմ ավելիին հասնել գալիք տարի»,-ասաց Աբրահամը: Նա,խոսելով առաջիկա անելիքներից, շեշտեց, որ շարունակում է իր մարզադպորցի կառուցման աշխատանքները, եւ նախատեսված հողատարածքն արդեն գնված է:Հայազգի բռնցքամարտիկը 2013-ին նաեւ պարտաստվում է ամուսնանալ, սակայն չի բացահայտում իր սիրելի անունը:«Մեծ ցանկություն ունեմ հանդես գալ Հայաստանի դրոշի ներքո, հիմա դա անելու իրավունք չունեմ, բայց մի օր հաստատ այդպես է լինելու»,-ասաց Աբրահամը:

Արթուր Աբրահամը ծնվել է 1980 թվականի փետրվարի 20-ին, Երեւանում: Գերմանիայի մայրաքաղաք Բեռլինում բնակվում է 2004 թվականից: ՀՀ քաղաքացի լինելուց բացի, 2005 թվականից ունի նաեւ Գերմանիայի քաղաքացիություն: Իր մարզական կարիերայի ընթացքում ունեցել է 38 մենամարտ, որոնցից 35-ում հաղթել է` համաշխարհային դասակարգման աղյուսակներում գրավելով առաջատար հորիզոնականներ:

Չորս տարի անընդմեջ (2006-2010) Աբրահամը ճանաչվել է Գերմանիայի լավագույն բռնցքամարտիկ: Հայոց բանակում ծառայած պրոֆեսիոնալ բռնցքամարտիկը Հայաստանի զինված ուժերի «Անդրանիկ Օզանյան» շքանշանակիր է (2007թ. հունիսի 1-ից): 2011 թվականի սեպտեմբերի 16-ին` ՀՀ անկախության 20 ամյակին ՀՀ նախագահ Սերժ Սարգսյանի կողմից պարգեւատրվել է 1-ին աստիճանի մեդալով «Հայրենիքին մատուցած ծառայությունների համար»` Ֆիզիկական կուլտուրայի եւ սպորտի զարգացման գործում ներդրած նշանակալի ավանդի, միջազգային մրցասպարեզներում ունեցած մեծ հաջողությունների, ձեռք բերած մարզական փայլուն նվաճումների համար: