1 րոպեի ընթերցում
ԵՐԵՎԱՆ, 25 ԴԵԿՏԵՄԲԵՐ, ԱՐՄԵՆՊՐԵՍ: Սիրված երգչուհի եւ երգերի հեղինակ Սիրուշոյի երգերից մեկը տեղ է գտել հանրահայտ ռուս երգիչ Գրիգորի Լեպսի նոր լույս տեսած ձայնասկավառակում:
«Արմենպրես»-ի հաղորդմամբ` այս մասին երգչուհին գրել է Facebook-ի իր էջում:
«Լույս է տեսել Գրիգորի Լեպսի նոր ձայնասկավառակը, որտեղ տեղ է գտել նաեւ «Судьба зима» երգը: Չեմ կարող փոխանցել հուզմունքս եւ ուրախությունս»,- գրել է նա:
Սիրուշոն բացի իր կատարողական արվեստից հայտնի է նաեւ հեղինակային երգերով: Վերջին շրջանում Գրիգորի Լեպսի ամենահայտնի երգերից է «Судьба зима» երգը, որի հեղինակը հենց Սիրուշոն է: