Դիլիջանում ոստիկանները գտել են սպանության մեջ մեղադրվող ՌԴ քաղաքացիներին

ԵՐԵՎԱՆ,17ԴԵԿՏԵՄԲԵՐԻ, ԱՐՄԵՆՊՐԵՍ:ՀՀ ոստիկանության քրեական հետախուզության գլխավոր, Տավուշի մարզային վարչությունների և Դիլիջանի բաժնի ծառայողները դեկտեմբերի 14-ին` ժամը 23.30-ին,Դիլիջան քաղաքի «Լեռնային Հայաստան» առողջարանային համալիրին հարակից տնակից բերման են ենթարկել ՌԴ քաղաքացիներ՝ 1977 թ. ծնված Արթուր Կարագյոզյանին և 1983 թ. ծնված Գրիգորի Երեմյանին: Ոստիկանությունից «Արմենպրես»-ին տեղեկացրին, որ նրանք 2007 թ. օգոստոսի 2-ից ՌԴ Կրասնոդարի երկրամասի Սոչի քաղաքի Ադլերի ՆԳԲ կողմից հետախուզվում էին ՌԴ քրեական օրենսգրքի 105 հոդվածի 2-րդ մասի՝ սպանության մեղադրանքով:

Խափանման միջոց է կիրառվել կալանքը:Հետախուզվողների հայտնաբերման մասին հայտնվել է հետախուզումը նախաձեռնողին: