Rolling Stones-ը եւ Մակարտնին կերգեն «Սենդի» փոթորկից տուժածներին օգնելու նպատակով անցկացվող միջոցառմանը
1 րոպեի ընթերցում
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Շոու-բիզնեսի համաշխարհային աստղերը 2012 թվականի դեկտեմբերի 12-ին Նյու Յորքի Madison Square Garden դահլիճում կմասնակցեն «12-12-12» համերգին, որն անցկացվում Է «Սենդի» փոթորկից տուժածներին օժանդակելու նպատակով, հաղորդում Է «Արմենպրես»-ը՝ հղում անելով ՌԻԱ Նովոստիին:
Մասնակիցների հայտարարված ցուցակում են ռոքի լեգենդներ Փոլ Մակարտնին, Բրյուս Սպրինգստինը, Էրիկ Քլեպտոնը, Ջոն Բոն Ջովին, Քենիե Ուեստը, Rolling Stones եւ Who խմբերը: Շոուն կհեռարձակվի 30 հեռուստաալիքների եթերում եւ YouTube-ում՝ հավակնելով 2 միլիարդ մարդ թվաքանակով ռեկորդային համաշխարհային լսարանի:
Շոուի պրոդյուսեր Հարվի Ուայնստենը, որը 11 տարի առաջ կազմակերպել Էր «Օգնություն Նյու Յորքին» աստղերի համերգը 2001 թվականի սեպտեմբերի 11-ի ողբերգությունից հետո, հուսով Է, որ «12-12-12»-ի դրամամուտքը կգերազանցի «9/11»-ի հավաքած 65 միլիոն դոլարը: Միայն ներկայիս հանդեսի իրացված տոմսերի գումարն արդեն կազմել Է 35 միլիոն դոլար: