1 րոպեի ընթերցում
ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղի Հանրապետությունը, որպես միջազգային իրավունքի լիիրավ սուբյեկտ, հնարավոր էշատ մոտ ապագայում որոշ երկրներ ճանաչեն: Ինչպես«Արմենպրես»-ի հետ զրույցում ընդգծեց ռուսաստանաբնակ քաղաքագետ Տիգրան Մանասյանը, այդ գործընթացն արդեն ակտիվ փուլ է մտել: «Դժվար թե այն հնարավոր լինի հետ շրջել»,-նկատեց քաղաքագետը:
Մանասյանի խոսքով` Արցախի համար սա ձեռնտու է սեփական անկախ քաղաքականություն վարելու տեսանկյունից, քանի որ միջազգային հարթակում շատ հարցեր Հայաստանի Հանրապետության օգնությամբ են լոբբինգ արվում:«Արցախի անկախության ճանաչումը ձեռնտու է նաև պաշտոնական Երևանի համար, որովհետև Հայաստանի կողմից միջազգային հարթակում Արցախի շահերը ներկայացնելը հաճախ կարող է օգտագործվել հայկական պետությունների դեմ»,-ասաց քաղաքագետը:
Ավստրալիական Նոր Հարավային Ուելս նահանգը հոկտեմբերի 25-ին բանաձեւ էր ընդունել Լեռնային Ղարաբաղի ժողովրդի ինքնորոշման իրավունքը եւ անկախությունը ճանաչելու մասին և դիմել էր Ավստրալիայի կառավարությանը՝ Լեռնային Ղարաբաղի Հանրապետությունը պաշտոնապես ճանաչելու եւ ԼՂՀ-ի ու նրա քաղաքացիների հետ հարաբերությունները ամրապնդելու կոչով: