368.59
Նախագահը պարգևատրել է ՀՊՄՀ երախտավորներին
1 րոպեի ընթերցում
ԵՐԵՎԱՆ, 20 ՆՈՅԵՄՆԵՐԻ, ԱՐՄԵՆՊՐԵՍ: ՀՀ Նախագահ Սերժ Սարգսյանը հրամանագիր է ստորագրել Խ. Աբովյանի անվան հայկական պետական մանկավարժական համալսարանի դասախոսներին պարգևատրելու մասին: Ինչպես «Արմենպրես»-ին տեղեկացրեցին ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից, ՀՊՄՀ 90-ամյակի կապակցությամբ, գիտության և կրթության բնագավառներում ներդրած նշանակալի ավանդի համար Անանիա Շիրակացու մեդալով է պարգևատրվել ՀՊՄՀ մաթեմատիկայի դասավանդման մեթոդիկայի ամբիոնի վարիչ, ֆիզիկամաթեմատիկական գիտությունների թեկնածու, պրոֆեսոր Համլետ Սուրենի Միքայելյանը, իսկ Մովսես Խորենացու մեդալով` ՀՊՄՀ կերպարվեստի ամբիոնի պրոֆեսոր Լևոն Հարությունի Կոջոյանը:
ՀՊՄՀ ռուսաց լեզվի ամբիոնի վարիչ, մանկավարժական գիտությունների թեկնածու, պրոֆեսոր Գայանե Գեղամի Շաղգամյանին շնորհվել է Հայաստանի Հանրապետության վաստակավոր մանկավարժի պատվավոր կոչում:
Բաժանորդագրվեք մեր ալիքին Telegram-ում