ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Վրաստանի ներքին գործերի նախարարությունը պատանդների ազատման եւ այն զինված խմբի ձերբակալման գործողություն Է իրականացնում, որը նախօրյակին հայտնաբերվել Է վրաց-ռուսական սահմանի՝ Դաղստանի հատվածի մերձակայքում: Այդ մասին, ինչպես տեղեկացնում Է «Արմենպրես»-ը, օգոստոսի 29-ին հաղորդել Է «Ռուսթավի-2» հեռուստաընկերությունը:
Ըստ հեռուստաընկերության տվյալների՝ դիվերսանտների խումբը Վրաստան Է ներթափանցել Դաղստանից եւ պատանդ վերցրել տեղացի բնակիչների: Այս պահին հայտնի Է, որ պատանդ են վերցված Կախեթի տարածաշրջանի հինգ բնակիչ ու եւս երկու խումբ, որոնց ընդհանուր թիվն անհայտ Է:
Ներկայում ազատված Է Կախեթի՝ հինգ բնակիչներից բաղկացած խումբը ու եւս մեկ խումբ, ընթանում Է պատանդների երրորդ խմբի ազատման գործողությունը:
Ըստ «Ռուսթավի-2»-ի տվյալների՝ հատուկ գործողության ընթացքում ոչնչացվել Է մեկ դիվերսանտ, կան վիրավորներ: