1 րոպեի ընթերցում
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Ամերիկացիներն օգոստոսի 16-ին հիշում են 35 տարի առաջ կյանքից հեռացած «ռոք-ն-ռոլի արքա» Էլվիս Փրեսլիին: Նա կոմերցիոն առումով 20-րդ դարի ամենահաջողակ երգիչն Էր: Տեղական զանգվածային լրատվամիջոցներն ընդգծում են, որ աշխարհում իրացվել Է նրա կատարմամբ երգերի ավելի քան մեկ միլիարդ սկավառակ, հաղորդում Է «Արմենպրես»-ը՝ հղում անելով ԻՏԱՌ-ՏԱՍՍ-ին:
«Երիտասարդության շատ սերունդների երաժշտական կուռքը մահացել Է 42 տարեկանում, եւ նույնիսկ դժվար Է պատկերացնել, թե ինչ ժողովրդականություն նա կունենար, եթե ճակատագիրն ավելի բարեհաճ գտնվեր նրա նկատմամբ»,- նշել Է «Նյու Յորք-1» հեռուստաալիքը:
Էլվիս Փրեսլին վիթխարի ժողովրդականություն ձեռք բերեց 20-րդ դարի 50-ական թվականների կեսերին: Նրա կատարմամբ երգերը գործնականում ամեն օր հնչում Էին ռադիոյով եւ հեռուստատեսությամբ: Համերգները մշտապես անցնում Էին մեծագույն հաջողությամբ:
Պաշտոնական վարկածի համաձայն՝ Էլվիս Փրեսլին կյանքից հեռացել Է 1977 թվականի օգոստոսի 16-ին սրտային անբավարարության պատճառով: